वैशाख महिन्यातील महत्त्वाचा सण आणि साडेतीन मुहूर्तापैकी एक असलेल्या अक्षय तृतीया निमित्त करवीर निवासणी श्री अंबाबाईचा दोलोत्सव सोहळा बुधवारी 30 एप्रिल रोजी प्रथेनुसार धार्मिक व मंगलमय वातावरणामध्ये साजरा झाला . गरुड मंडपाच्या सदरेवर तात्पुरता मंडप उभारून त्या ठिकाणी फूलानी सजवलेल्या झोपाळ्यात अंबाबाईची सालाकृत पूजा बांधण्यात आली .फळे व फुलांनी देवीची आरास करण्यात आली .उत्सव सोहळ्यासाठी अंबाबाईचे रूप हे डोळ्यात साठवण्यासाठी भाविकांनी या परिसरात एकच गर्दी केली होती.
पश्चिम महाराष्ट्र देवस्थान समिती आणि श्री पूजक यांच्यावतीने अंबाबाईचे सणसमारंभ परंपरेनुसार केली जातात .अक्षय तृतीयाला अंबाबाईना फुलांनी सजवलेल्या झोपाळ्यात आसनस्थ केली जाते ही लगबग सुरू होती ,दुपारी दोन वाजल्यापासून गुरुड मंडपातील सदरेवर झुला बांधून त्यावर फुलांची सजावट करण्यात आली .भरजरी वस्त्र व जादावी अलंकाराने सजलेली अंबाबाई ची उत्सव मूर्ती या झोपाळ्यावर प्रतिष्ठापित करण्यात आली. दुपारी चार वाजता हा सोहळा झाला व आरती झाल्यानंतर अंबाबाईचे झोपाळ्यावरील रूप पाहण्यासाठी रात्री पर्यंत भाविकांची रीघ लागलेली दिसून आली .पश्चिम महाराष्ट्र देवस्थान समितीचे सचिव शिवराज नाईकवडे, व्यवस्थापक महादेव दिंडे ,धर्मशास्त्र मार्गदर्शक गणेश नेरलेकर देसाई यांच्यासह श्री पुच यांच्या उपस्थितीत हा सोहळा साजरा करण्यात आला.